CEBU CITY – Gihimug-atan ni Cebu City Councilor ug Emergency Operations Center Head Joel Garganera nga di pa-igo ang padayong pag-ubos sa mga bag-ong kaso sa COVID-19 sa dakbayan sa Sugbo aron mokumpiyansa ang publiko.
Kini ang usa sa mga punto sa tubag sa konsehal kabahin sa pakigtagbo ni Cebu City Mayor Edgardo Labella sa mga tag-iya ug malls alang sa planong pagbalik sa operasyon sa mga sinehan.
Sigon pang Garganera nga moduso pa sa ilang rekomendasyon ang lokal nga pangagamhanan kung angayan na ba gyud nga abliha ug balik ang mga sinehan sa syudad, diin i-forward usab kini sa buhatan sa EOC.
Subay niini, ilang usab nga estudyuhan segon ni Garnera ang mamahimo unyang rekomendasyon sa City government.
“Kining maong hangyo kay iyang gi-forward sa EOC diin kita ang magbantay-bantay ani,” asoy pa ni konsehal Garganera.
Kahinumduman nga gitagbo ni Cebu City Mayor Edgardo Labella ang ang mga tag-iya ug ang mga kadagku-an sa malls sa dakbayan sa Sugbo aron hisgutan ang pag-abli sa mga sinehan isip kabahin na usab sa pagpabuhi sa ekonomiya sa syudad.// GBS
