CEBU CITY-Dili matud pa tao ang tan-aw sa team sa Prevention Restoration Order Beautification Enhancement (PROBE) sa mga sidewalk vendors.
Kini ang pamahayag ni Solidad Cordova, kinsang usa sa mga vendor nga usa sa nagviral sa social media subay na usab sa “alleged maltreatment” nga gihimo sa sakop sa Probe sa usa ka vendor didto sa A. Soriano Street niadtong Nobyembre 21. Nakuhaan pa og video ang maong pagmaltrato diin nakita nga giilogan sa sakop sa probe ang vendor sa iyang tinda nga ‘orange’ (prutas) ug gitudtud kini samtang gikab-ot ang iyang tinda aron mabawi.
Nagviral ang maong video diin miabot na og kapin usa ka milyon ang views. Nagkanayon usab si Cordova nga mismong ang iyang gamay nga tinda ang gibawi usab sa sakop sa Probe.
Si Cordova ang dunay 7 ka anak og biyuda na, nagkanayon kini nga dili igo ang 8 ka oras nga gihatag sa gobyerno para kanila nga patindahon, ug wala usab sila tarong nga pwesto kung diin sila gipahimutang mao nga mubalik gyud sila sa sidewalk.
Sakitan matud pa si Cordova sa buhataon sa Probe inig mangdakop na tungod kay dakpon sila, ilogan pa sa tinda ug ipangyabo pa.
Sa laing bahin gitahasan na usab ni Cebu City Mayor Edgardo Labella ang Cebu City Legal Office (CLO) nga maoy mangulo sa investigation sa nahitabo.Gitataw usab sa mayor nga kung mapamatud-an nga dunay kalapasan ang nalambigit sa maong video, ipatangtang niya kini sa trabaho.
Samtang ang pangu sa PROBE nga si Racquel Arce ang una na usab nga nangayo og pasaylo sa nahitabo.
