Gipangulohan sa Diocese of Tagbilaran sa lalawigan sa Bohol ang malinawng lihok-protesta batok kurapsyon nga gipahigayon sa Plaza Rizal kagahapong adlawa sa Dominggo, Septiyembre 21, 2025.
Gani si Cebu Archdiocese-designate Fr. Abet Uy pa ang naghimo og pamulong alang sa maong kalihokan sa pagpugong sa mga kahiwian sa gobyerno ug pagpaningil sa accountability sa mga sad-an sa pagpangawkaw sa panudlanan sa kagamhanan.
Gibana-bana miabot sa gatosan ang mitambong sa maong kalihokan nga gilangkoban sa mga matuohong Romano Katoliko, mga nagpakabanang grupong sibil, ug mga kabatan-onan.
Gawas sa pamulong batok sa kahiwian ug kurapsyon kay nagpahigayon sab og santos nga misa ang maong kalihokan inubana sa usa ka candle-lighting ceremony sa salikway sa pamalikas sa kaniob ug sa paghatag og kahayag pinaagi sa pagsindi sa mga kandila.
