CEBU CITY — Gikondenar sa Department of Health (DOH)-7 ang diskriminasyon nga natagamtamam sa pipila ka mga medical frontliners kinsang naningkamot batok sa COVID-19.
Kini sama lang sa paglabay og chlorine ngadto sa usa ka male nurse, wala pagpasakay sa mga health workers sa pampublikong sakyanan, ug petisyon sa mga landlords nga dili pasudlon sa lugar ang mga medical professionals.
Sa pamahayag nga giluwatan ni Dr. Jaime Bernadas, regional director sa DOH-7, nagkanayon kini nga dili angayang palabihon ang maong matang sa pagsaway ngadto sa mga nag-atiman sa pasyenteng natakbuyan sa maong sakit.
Mitambag karon ang ahensya sa publiko nga ipakita ang pagka-compassionate sa mga health workers sanglit gibuhis nila ang kinabuhi alang sa kaluwasan sa komunidad batok sa COVID-19.
Mipasalig karon ang DOH-7 nga makigka-alayon ngadto sa local government units, sa PNP, ug sa Department of Interior and Local Government (DILG) aron masiguro ang kaluwasan sa mga medical frontliners.
