CEBU CITY-Mimando sa pag-summon ang Commission on Elections (Comelec) First Division kang Dismissed Cebu City Mayor Michael Rama kabahin sa pagresponde niini sa petisyon sa desqualification case para sa May 2025 Midterm Elections sulod lamang sa lima ka adlaw.
Ang maong summon order kay pinetsahan niadtong Disyembre 5, 2024 nga gilagdaan ni Atty Genesis Gatdula diin mi direktiba kang Rama aron sa pagpasaka sa iyang “answer cum memorandum” o pagresponde sa petisyon sa diskwalipikasyon niini nga gipasaka ni Jundel Bontuyan.
Kahinumduman nga niadtong Oktubre 18, mipasaka ni Bontuyan sa iyang 14-ka pahina sa iyang petisyon ngadto sa Comelec batok kang Rama sa kaso niining nga nepotismo ug grave misconduct nga gipatuman sa Office of the Ombudsman nga adunay silot sa dismissal of office ug perpetual disqualification of holding public office.
Ang Comelec nipagawas usab og Resolution 11044-A, nga nagmando sa hinanaling pagkansela sa tanang certificates of candidacy alang sa May 2025 Midterm Elections sa bisan kinsang kandidato nga adunay disqualification penalty gikan sa Ombudsman.
Apan nihatag og temporary restraining order ang Korte Suprema niadtong Oktubre 22 pabor sa naunang petisyon ni Rama batok sa Comelec Resolution 11044-A.
Sa eksklusibong pakighinabi sa Bombo Newsteam kang Jundel Bontuyan diin gikalipay niini ang kalamboan sa iyang gipasaka nga reklamo mahitungod kay dili kini para sa iyahang personal nga kalambuan apan para sa mga lungsuranong Sugbuanon aron makapili og Mayor nga walay kakulian sa balaod.
Kon sa higayong ma-disqualify sa Comelec si Rama, dili maapil ang iyang ngan sa opisyal nga listahan sa mga kandidato sa pagka mayor sa dakbayan sa Sugbo sunod tuig.
