Cebu City-Displina sa kaugalingon ang yawe aron nga molampos sa gitinguha sa kinabuhi.Kini ang gipaambit ni Diamond Jeff Romarate Pau ang nag Top 1 sa Chemical Technician Licensure Examination.
Matud ni Paug nga dili lalim ang tulo ka buwan nga iyahang naagi-an samtang anaa siya sa review center gumikan kay matunga ang iyahang oras sa pag review ug pagtrabahu isip usa ka Research Development Supervisor sa usa ka fertilizer company sa dakbayan sa Toledo.Gidugang pa ni Paug nga tigdugay gayud siya matulog gumikan kay magbasa siya ug libro ug reviewer human sa iyang trabaho.
Gibutyag niini nga hilabihan ka importanti ang time management ug self-management kung adunay tinguha nga makab-ot nga inspirasyon ang iyahang pamilya ilabi na ang iyahang mga manghod nga siya usab ang nagpaeskwela.
Nasayran nga migradwar isip Valedictorian si Paug niadtong elementarya ug high school hinungdan nga tinguha usab niini nga mapasar sa nahisgutang eksaminasyon with flying colors.
