Gipalugwayan ni President Ferdinand Marcos Jr. ang mga appointment nila ni Department of Public Works and Highways Secretary Vince Dizon ug Department of Transportation Secretary Giovanni Lopez, matod ni Executive Secretary Ralph Recto niadtong Miyerkules.
Giklaro ni Recto nga bisan pa sa pagpalugway, ang mga appointment moagi gihapon sa kumpirmasyon sa Commission on Appointments (CA) sa tukmang panahon.
Dugang pa ni Recto, ang iyang kaugalingong appointment isip Executive Secretary isumite usab sa CA alang sa kumpirmasyon.
Mitumaw ang isyu bahin sa mga appointment human gikuwestiyon ni Senator Imee Marcos ang appointment ni Dizon atol sa budget briefing sa DPWH sa Senado.
Una nang gikutlo ni Marcos ang 1987 Administrative Code, nga nagtakda og limitasyon nga usa ka tuig alang sa usa ka temporaryong pagtudlo.
