Nagpadayon ang DNA testing sa Nepal aron mailhan ang mga patayng lawas sa mga biktima sa grabeng baha nga miigo sa nasud usa ka semana ang milabay.
Ang mga paryente sa mga nawala naghatag og mga sample sa DNA aron mohaom sa ilang genetic profiles sa mga narekober nga patayng lawas, samtang ang ubang mga pamilya nagpahigayon og symbolic funeral alang sa mga minahal nga nangawala pa.
Sumala sa mga taho, kapin sa 1,200 ka mga tawo na ang namatay sa Nepal ug kapin sa 4,800 ang missing human sa kalit nga pagbaha niadtong Agosto 26.
Nagsugod ang katalagman human sa pagdahili sa yelo ug mga bato gikan sa usa ka glacier sa Himalayas, nga nagpadala og mga baha sa tubig, lapok, ug mga debris ngadto sa mga komunidad duol sa utlanan sa Nepal-China.
Usa sa labing naapektuhan mao ang distrito sa Rasuwa, diin nagpadayon ang mga search and rescue operations.
Ang pagkolekta sa mga sample sa DNA ug uban pang impormasyon nagpadayon aron mailhan ang wala mailhing mga biktima ug ibalik ang ilang mga patayng lawas sa ilang mga pamilya.
