Nagpahigayon og imbestigasyon ang Department of National Defense (DND) aron matino ang hinungdan sa pagkamatay sa upat ka piloto sa Philippine Air Force (PAF) sa Lipa City, Batangas.
Namatay ang upat ka piloto niadtong Biyernes human maapil sa usa ka aviation accident ang duha ka SF-260 aircraft samtang nagpahigayon og training flight.
Gibutyag usab sa DND nga himuon ang imbestigasyon sa patas ug masusi paagi aron matino ang tinuod nga nahitabo, ang hinungdan sa aksidente, ug ang posibleng mga kakulangan nga kinahanglan matul-id aron malikayan ang susamang trahedya.
Samtang, wala pa makumpirma sa Philippine Air Force kung adunay aktuwal nga nagbanggaay sa duha ka eroplano, samtang nagpadayon ang imbestigasyon aron matino ang eksaktong hinungdan sa insidente.
