-- ADVERTISEMENT --
CEBU – Magpagawas si Cebu City Mayor Michael Rama ug Executive Order (EO) diin magmando sa pagpahigayon ug raffle sa mga ngalan sa mga nagpabakuna.
Matud ni Rama nga katuyoan sa maong lakang ang pag-awhag sa katawhan nga magpabakuna.
Gikatakda kini nga magpagawas sa maong EO karung buwana.
Kahinumdoman nga una na kining gipahigayon sa lokal nga kagamhanan sa syudad sa susamang katuyoan diin adunay mga nakadaug ug mahalon nga sakyanan, motorsiklo ug uban pa.
Samtang, gi-anunsyo ni Mayor Rama nga gitudlo niini si DOH 7 chief pathologist Dr Mary Jean Loreche isip bag-ong mangulo sa Cebu City Medical Center.
-- ADVERTISEMENT --
Kini ang gikumpirmar usab ni Loreche nga iyahang gidawat ang maong appointment.
