Miawhag ang buhatan sa Department of Health Central Visayas Center for Health Development (DOH-7) sa mga komunidad, local government units (LGUs), ug mga stakeholders aron sa pakigtambayayong sa pag-rebuild sa pagsalig sa publiko sa mga bakuna (vaccines).
Kini nunot sa nagkaubos nga immunization rates sa Central Visayas diin ang ihap sa Fully Immunized Children (FIC) kay nagsigeg katibugsok sa istatistiko.
Nagtimaan kini sa low immunization coverage sa rehiyon nga nakapahuyang sa depensa sa sakit sa mga kabatan-onan.
Gani dili talagsaon sa kasaysayan sa public health sa nasud ang kalampusan niini sa pag-eliminate sa sakit sama sa polio niadtong tuig 2000 ug maternal and neonatal tetanus (MNT) niadtong tuig 2017.
Apan sumala sa report niini niadtong 2021 nga ang FIC coverage kay nitibugsok sa 52% nalang.
Sumala sa mga taho nga usa sa mga nakatampo sa nagkaubos nga immunization coverage kay ang mga rason sama sa kontrobersiya sa Dengvaxia niadtong 2016 nga nakahatag og kahadlok ug kabalaka sa mga ginikanan batok sa bakuna.
Gitataw sab sa ahensya nga ang Pilipinas kay komitao sa 4 ka mga international immunization goals nga mao ang elimination sa polio, MNT, measles, ug accelerated control sa hepatitis B.
Dinhi sa Central Visayas, anaa lang sa 13.20% lang sa mga kabatan-onan ang fully immunized sumala sa partial and unofficial data niini niadtong Marso 2025.
Sa 2024, ang rehiyon kay nakakab-ot lang sa 61.82% immunization coverage nga layo pa sa 95% target rate nga gitinguha sa ahensya aron makab-ot ang herd immunity ug pagprotektar sa mga komunidad sa mga vaccine-preventable diseases.
Sukwahi sa maong mga hagit, ang DOH-7 kay nagpabiling malaumon sa maong tinguha nga gani ang pipila ka mga LGUs sa rehiyon kay nagpakita na og high immunization rates sa ilang mga nagkadaiyang lugar.
