Miawhag ang ahensya sa Department of Health – Central Visayas (DOH-7) sa publiko nga tumanon ang tukmang paagi sa pagpangandam og pagkaon ug pag-storage niini ang malikayan ang mga food-borne diseases atol na sa dagkong mga hikay karong umaabot Pasko ug Bag-ong Tuig.
Kini ang gisaysay ni Dr. Shelbay Blanco, ang Medical Officer IV sa DOH-7 diin usa sa mga bantayanan karon kay dili lang ang mga sagad nga mga gipamati sa lawas sama sa high blood pressure, high cholesterol, diabetes, ug uban pa apan lakip na ang mga sakit nga makuha sa dili maayong pagkaandam nga mga pagkaon.
Pasidaan niini nga bantayan sab permi ang mga pagkaon kung pan-os na ba kini nga gikan pa sa mga dagkong hikay sa Pasko man o sa Bag-ong Tuig kay usa pud kini sa timailhan nga ang pagkaon dili na maayong makonsumo.
Dugang pa sa opisyal nga nga likayan sab agn pagbalik-balik og init sa pagkaon kay base sa mga lagda sa food safety kay kausa o kaduha lang maayu nga initon ang pagkaon ingon man dapat natago kini sa bugnaw nga lugar sama sa refrigerator aron malikayan ang mga kagaw nga anaa sa pagkaon.
Pahimangno kini sa mga awtoridad aron mabulokong maselebrar ang kapaskuhan og bag-ong tuig sa tanan nga likay sa mga kakulian sa tiyang ug panglawas.
