Nagpahigayon ang Department of Health Central Visayas Center for Health Development (DOH Central Visayas CHD) pinaagi sa Health Promotion Unit (HPU) og 2025 Ligtas Christmas Campaign sa Hoops Dome, Gun-ob, Lapu-Lapu City, Nobyembre 24, 2025.
Kini nga kalihokan agig pagpangandam sa panahon sa Pasko, uban ang local nga kagamhanan sa Dakbayan sa Lapu-Lapu, mga kaubang ahensya ug mga miyembro sa komunidad, isip kabahin sa selebrasyon sa kampanya sa tibuok rehiyon.
Subay sa DOH 8-Point Action Agenda, ang kampanya nagtumong sa pagpalambo sa literasiya sa panglawas sa mga Pilipino ug sa ilang mga pamilya pinaagi sa pagpasiugda sa Handa sa Krisis (andam alang sa mga krisis sa panglawas ug mga emerhensya) ug Pag-iwas sa Sakit (paglikay sa sakit ug pag-promote sa panglawas) sa tibuok panahon sa kapaskuhan.
Sa iyang video recorded message, gipasiugda sa Regional Director sa DOH Central Visayas CHD nga si Joshua G. Brillantes ang tulo ka sub-campaign ubos sa kampanya sa Ligtas Christmas.
Dugang pa niya, kini nga mga adbokasiya mao ang among mga saad, mga pasalig nga kami, isip Department of Health, magpadayon sa pagtuman samtang among giyahan, panalipdan, ug hatagan og gahum ang among mga komunidad aron ang matag selebrasyon mahimong luwas.
Samtang ang mga Pilipino nagkahiusa aron sa pagsaulog sa Pasko, ang Department of Health nanawagan sa tanan nga himuong prayoridad ang panglawas ug kaluwasan.
Ang Ligtas Christmas Campaign nagbarog isip usa ka pahinumdom nga ang usa ka tinuod nga makahuluganon nga selebrasyon magsugod sa usa ka himsog ug protektado nga pamilya.
