CEBU CITY- Gitataw ni Dr. Mary Jean Loreche ang tigpamaba sa Department of Health (DOH-7) nga gumikan kay dili man madungan og abot ang data sa covid-19 cases sa ilang departamento, hinungdan dili gyud magkatukma ang mga reports.
Kini subay na sa usab sa ‘confusion’ sa publiko tali sa data sa Cebu City Health Department og sa DOH-7 nga dili pareho ug sigon pa nga wala kini coordination.
Depensa ni Loreche sa dihang nahinabi sa Bombo Radyo Cebu ato sa tulumanong Bombohanay sa Udto nga, bisan unsa matud pa nga organisasyon daw sama nga naa gyu’ymga kakuli-an apan gi-angkon sa tigpamaba nga mas maayo gyud matud pa nga dunay proper coordination gikan sa babaw padulong sa ubos.
Gitino usab ni Loreche nga gumikan kay ubos man sa Local Government Unit ang city health, hayan depende lang matud pa niini kung magpagawas kini sila sa ilang data.
Apan gipasi-atab ni Loreche nga ang uban matud pa ‘excited’ mao nga murelease dayon sa ilang data.
‘Likay sa confusion’
Subay niini dili magpagawas og Covid-19 updates ang Cebu City Health Department pinaagi sa ilang social media account.
Kini subay na rekomendasyon sa Inter Agency Task Force nga aron malikayan ang “confusion” o ingon man kalibog sa publiko samtang gihan-ay pa ang mga data, usa nalang ka ahensya ang mupagawas sa naasoy nga data.
Sa statement nga giluwatan sa City health department ilang nalang matud pa nga gitugyan sa Department of Health Central Visayas ang pagrelease sa data ug gi-awhag iini ang publiko nga muadto nalang sa DOH-7 Official Facebook Page.
Gitataw hinoon sa city health nga ang data nga ila matud pa nga gipost ang basi sa actual cases nga givalidate usab sa ilang contact tracing teams.
Apan basi sa habig usab sa mga barangay partikular na ang Barangay Lahug nga maoy labing daghan nga kaso sa Covid-19, dili matud pa accurate ang data nga gipagawas sa city health department sanglit dili man tino ang mga address sa mga nagpositibo ug subay sa pagtrace usab sa barangay dili na mao ang ihap nga ilang matala itandi sa unang gipagawas sa City health.
