CEBU CITY — Giawhag sa Department of Health (DoH) Central Visayas ang pampubliko og pribadong tambalanan nga i-andam kanunay ang mga isolation room alang sa mga giimbestigahan kalabot sa coronavirus disease (COVID-19).
Matud ni DOH-7 Director Dr. Jaime Bernadas nga makig-alayon ang buhatan sa mga Local Government Units (LGUs) alang sa pag-edukar pa sa publiko kalabot sa maong virus.
Gi-awhag niini ang katawhan nga nga dili mahadlok kung gikinahanglang mopaubos sa quarantine aron masiguro kung aduna ba’y simtomas sa maong sakit og kung unsa pa ba ang sunod lakang nga himuon.
Lakip sa gipasabot ni Bernadas mao ang ka-importante sa pagmentenar sa proper hygiene sama sa paghugas sa kamot gamit ang sabon og tubig ingon man ang paggamit og alcohol.
Sa datos sa buhatan anaa na sa 47 ang mga biktima nga admitted, lima ang naka-home quarantine og usa ang naka confine sa Dumaguete City, Negros Oriental.
Sa kinatibuk-an anaa na sa 53 ang Persons Under Investigation gawas sa decision tool sa Region 7. (GS)
