CEBU CITY — Gikumpirmar sa Department of Health (DOH)-7 nga gipadala na sa Research Institute for Tropical Medicine (RITM) sa kaulohan ang upat ka mga samples gikan sa pilot COVID-19 test sa Sugbo alang sa confirmatory niini.
Matud ni DOH-7 Director Dr. Jaime Bernadas nga gipaubos na sa COVID-19 testing ang 50 ka mga pasyente sa Vicente Sotto Memorial Medical Center (VSMMC).
Gikan sa maong ihap, 46 sa mga pasyenteng gi-admit sa VSMMC ang nagnegatibo sa coronavirus.// Gibutyag ni Bernadas nga nagsugod pa lang sila sa maong COVID-19 testing hinungdan nga gipadala ang upat ka mga samples sa RITM alang sa confirmatory tests.
Kahinumduman nga gipalit sa Office of the Presidential Assistant for the Visayas (OPAV) ang 30,000 ka mga COVID-19 testing kits sa Sugbo aron makapahigayon na og testing sa nahisgutang tambalanan.
Sa pagkakaron, gihatagan na karon og prayoridad ang mga pasyenteng adunay severe acute respiratory infection (SARI) alang sa coronavirus testing. (gn)
