Nipagawas og panawagan sa aksyon ang Department of Health (DOH) alang sa tanang stakeholders sa pagpasiugda sa mga gawi ug polisiya alang sa mas luwas nga mga dalan, gahapong adlawa, Sabado, Hunyo 14, 2025.
Namulong sa 2025 Road Safety Summit sa Pasay City, si Health Secretary Teodoro Herbosa niingon nga ang mga aksidente sa kadalanan nagpabilin nga usa sa top 10 nga hinungdan sa kamatayon sa mga Pilipino.
Sumala sa DOH, dul-an sa 12,000 ka mga Pilipino ang nangamatay tungod sa mga aksidente sa kadalanan, matag tuig. Sa 2024 lamang, nakatala kini og labaw sa 37,000 nga mga kadaot nga may kalabutan sa aksidente sa dalan.
Busa, gipasiugdahan ni Herbosa ang panginahanglan sa pagpalig-on sa pagpatuman sa mga balaod nga may kalabotan sa dalan ug pagpalambo sa pamatasan sa kadalanan sa mga drayber sa duha ug upat ka ligid.
Dugang pa niya, ang sistema sa karsada kinahanglan usab nga molambo aron maatiman ang mga drayber sa duha ka “two-wheeler drivers and bike users.”
Ang maong road safety event sa DOH nagtapok sa mga road users, law enforcers, policymakers, ug pribadong sektor, lakip ang mga representante sa United Nations Children’s Fund (UNICEF), World Health Organization Philippines, Angkas, Joyride, Move It, Philippine Association of LTO-Accredited Driving Schools, ug Vehicle Inspection Center Operators Association of the Philippines. | via Bombo Irene Ardiente
