Nipasidaan ang Department of Health (DOH) sa risgo sa pagbaha tungod sa kusog nga pag-ulan nga nasinati sa nasud tungod sa habagat ug sa bag-o lang nga bagyong “Crising”.
Matod sa ahensya, gawas sa pagkalumos ug disgrasya, delikado ang kagaw gikan sa basura ug hugaw sa tubig baha ug mahimong hinungdan sa leptospirosis ilabi na sa mga bata.
Matod niya nga ang mga indibidwal nga na-expose sa kagaw sa leptospira mahimong adunay komplikasyon sa atay, kidney, ug kasingkasing.
Busa, tambag sa DOH nga kun ugaling malumos sa baha o dili kalikayan nga mosulod sa baha, hugasi dayon ang imong lawas gamit ang sabon ug limyo ngatubig, ug magpakonsulta dayon sa doktor kung mosulod ka sa baha nga adunay samad o kon makasinati kag sintomas sa sakit sama sa hilanat ug pagsakit sa lawas.
