Pormal na nga gisang-at sa Department of Justice ang mga kaso batok kang Bise Presidente Sara Duterte.
Sa mensahe nga gipadala ni Justice Spokesperson Atty. Polo Martinez, iyang gikumpirmar ang pagsang-at sa departamento og kasong ‘grave threats’ batok sa bise presidente.
Sumala sa tigpamaba, ang maong kaso gisang-at sa Office of the Clerk of Court sa Quezon City Regional Trial Court.
Mahinumduman nga nikabat og kapin sa usa ka tuig una pa hingpit nga nasulbad ug napasaka sa departamento ang maong kaso sukad kini gisang-at sa National Bureau of Investigation niadtong 2025.
Ang kasong ‘grave threats’ nagsugod sa dihang ang ikaduhang presidente mismo ang naghulga sa kinabuhi ni Presidente Ferdinand ‘Bongbong’ Marcos Jr., Unang Ginang Liza Arenata-Marcos, ug Kanhi House of Representatives Speaker Martin Romualdez.
Ang bise presidente giingong nagsuhol og ‘hitman’ nga gitahasan sa pagpatay sa nahisgutan kung ugaling mapatay usab siya.
