Narekober sa Presidential Anti-Organized Crime Commission (PAOCC) ang suwat gikan sa Office of the President nga gipirmahan ni kanhi presidential spokesperson Atty. Harry Roque sa pagpangita sa POGO hub sa Porac, Pampanga.
Matod pa ni PAOCC USec. Gilbert Cruz, nakumpiskar ang mga dokumento nga gipetsahan niadtong 2021 sulod sa Lucky South 99 compound.
Dugang usab sa opisyal nga kinahanglan pa nilang i-verify ang maong mga suwat aron mapamatud-an kini.
Nasayran, ang dokumento nga gipirmahan ni Roque maoy suwat sa iyang executive assistant nga nangayo og travel support sa iyang pagpaingon sa Poland.
Diin ang kanhi executive assistant ni Roque ni-apply og Schengen visa.
Samtang si Casio niingon usab nga walay criminal value ang maong dokumento sa ilang gihimong imbestigasyon batok sa mga illegal POGO.
