CENTRAL VISAYAS-Magpahigayon og imbistigasyon ang Department of Labor Agency Central Visayas o kon DOLE 7 nunot sa nahitabong makalilisang nga kamatayon sa usa ka construction worker sa lungsod sa Dalaguete.
Mao kini ang gipahibalo ni Regional Director Lilia Estillore arun masayran ang kamatayon sa maong indibidwal.
Ingon man nga ilang pasiugdahan ang pagbutyag sa hinungdan sa maong insidente.
Lakip ang pagsusi sa ilang buhatan ang mga safety equipment ug mga presensya sa mga safety officers sa site gumikan sa giingong wala kini gihatagan og helmet ug safety gear samtang nagtrabaho sa ibabaw sa court atol sa maong panghitabo.
Subay niini, mihimo og legal action ang pamilya sa namatyan
diin nipasaka og kaso batok sa local government unit ug municipal engineers sa buhatan sa National Bureau of Investigation Central Visayas.
Gumikan ang biktima nga si B21-anyos, usa ka job order employee sa lungsod kay gipa-trabaho sa usa ka private contractor samtang nag trabaho usab kini sa munisipyo.
Nasayran usab nga ang mismo ang mga engineer’s sa LGU Dalaguete ang miingon pa sa inahan sa biktima nga dili nalang kini idangop sa mga pulis human nga gidunolan lang kini og pipila ka libo.
