Nipasalig ang Department of Labor and Employment – Region 7 nga padayonon nila ang ilahang imbestigasyon sa nahitabo nga insidente sa usa ka manokan sa Brgy. Tamiao, Compostela, Cebu nga gibanlas sa baha.
Subay niini, gipasalig sa maong buhatan nga anaa ang investigation team aron nga mahatagan og katin-awan ang maong kaso.
Mao kini ang gikabutyag ni Roberto “Bob” M. Cabardo, ang Regional Labor Information Officer III sa DOLE 7, nga ang mga imbestigador sa maong kaso, gipangulohan ni Cebu Provincial Field Office sa DOLE-VII nga si Maria Teresa Tangquiamco, ug kini subay sa mando ni Regional Director Roy L. Buenafe.
Dugang ni Cabardo, nagpadayon usab ang pagpangolekta og mga datos aron matahi og kung nganung niresulta sa ingun atong sitwasyona nga daghang namatay, ingun sutaon og nganu nagduty pa ang mga trabahante adtong higayona nunot sa hulga sa panahon.
Busa, sa maong panghitabo, gikapulong ni Cabardo nga sa tanan nga mga employers, dili pasagdan ang ilahang mga trabahante samot na sa mahulgang panahon, ingun man nga sundon ang advisory nga gipahamtang sa DOLE. | reports by Bombo Irene Ardiente
