Mogahin ang Department of Labor and Employment (DOLE) og P100 milyones nga ayuda alang sa mga trabahante nga naapektuhan sa magnitude 6.9 nga linog sa amihanang Sugbo.
Kini ang gitino ni Labor Secretary Bienvenido Estudillo Laguesma, nga ang maong kantidad ihatag pinaagi sa Tulong Panghanapbuhay sa Ating Displaced/Disadvantaged Workers (TUPAD) program sa ahensya.
Matag benepisyaryo makadawat og P5,400 nga cash assistance human makompleto ang 10 ka adlaw nga cash-for-work program diin suholan sila og P540 matag adlaw.
Ang mga trabahante sa TUPAD motabang sa paglimpyo sa mga lugar gikan sa mga debris sa nagkadaiyang mga edipisyo tungod sa linog.
Nagpadayon ang profile sa pipila ka libo ka mga trabahante sa Sugbo nga sakop sa mga tag-iya og microbusiness sama sa mga vendor nga hatagan og hinabang, diin ang DOLE unang nihatag og P12 milyones nga pundo.
