Gipangunahan ni Luka Doncic ang Los Angeles Lakers sa ilang 132-123 nga kadaugan batok sa Utah Jazz niadtong Dominggo, human siya miposte og 52 ka-puntos, lakip ang walo ka three-pointers.
Dugang sa iyang impresibong pag-iskor, nakatala usab si Doncic og 10 ka assists ug pito ka rebounds.
Mitampo usab si Austin Reaves og 29 puntos aron matabangan ang Lakers sa pagkuha sa kadaugan.
Sa ikaupat nga quarter, nakahimo si Doncic og sunod-sunod nga three-pointers nga nakatabang sa Lakers sa pagpalapad sa ilang labaw ngadto sa 127-121 sa nahibilin nga 1:42 sa duwa.
Alang sa Utah, nanguna si Lauri Markkanen pinaagi sa 28 puntos, samtang si Keyonte George mitampo og 24 puntos, siyam ka rebounds, ug 10 ka assists.
Bisan pa niini, wala mapadayon sa Jazz ang ilang 18-puntos nga labaw sa ikaduhang quarter, nga mitugot sa Lakers nga makabawi ug makuha ang kadaugan.
Tungod niini, gipauswag sa Lakers ang ilang rekord ngadto sa 3-0 sa pagsugod sa season.
Sunod nilang atubangon ang Portland Trail Blazers karong Martes sa ilang kaugalingong home court.
