-- ADVERTISEMENT --
Gikatakdang makigkita si Department of Tourism (DOT) Secretary Cristina Frasco sa pipila ka mga ahensya aron sulbaron ang problema sa taas nga plete sa pamasahe sa lokal o domestic travel.
Sumala sa kalihim, makigsulti siya sa Department of Transportation (DOTr) aron pangitaan kini og solusyon.
Gipaabot usab niya ang problema sa Civil Aeronautics Board (CAB) tungod kay ang ubang lokal nga mga destinasyon adunay mahal nga plete sa pamasahe.
Mahinumduman nga nakadawat og pagsaway ang taas nga plete sa pamasahe sa pipila ka sikat nga destinasyon sa turista sa nasud kon itandi sa pipila ka mga nasud sama sa Vietnam, Hong Kong ug Thailand.
