CEBU CITY-Nihatag og kasiguruhan si DOTr Assistant Sec. James Melad ngadto ni Gov. Gwen Garcia nga ang ilang buhatan makig-alayon sa Provincial ug City Government sa Cebu alang sa kalambuan sa Bus Rapid Transit (BRT) project.
Atol sa ilang panagtagbo, ilang gihisgutan ang plano nga buhatan ug drainage ang rota sa BRT tungod kay nalakip kini sa plano sa maong proyekto.
Matud pa ni Gov. Gwen Garcia nga kung masugdan na ang pag trabaho sa drainage ug mag-kawt na ug yuta hilabi na sa Osmeña Blvd, kinahanglan ang contractor mangeta ug paagi nga dili kini maka mugna ug grabing ka huot sa trapiko.
Sa pagkakaron naka mugna ug traffic ang pag trabahu sa rota sa BRT tungod kay nag one-lane ang isig ka habig sa dalan Osmeña Blvd.
Gidugang sa gobernadora nga ang nag implementar sa maong project kinahanglan gyud mo coordinate sa ilang mga plano hilabi na kung dunay mga kausaban arun usab maka pangandam ang Cebu City ug Provincial Governments.
