Gimandoan sa Department of Transportation (DOTr) ang Cathay Pacific sa pagpasabut sa nahitabong gi-ingung passport mishandling incident sa Mactan-Cebu International Airport, nga miresulta sa usa-ka 64-anyos nga pasahero nga wala makabiyahe pa Dubai.
Base sa social media post sa DOTr, gimandoan niini ang maong private airline nga maghatag ug opisyal nga pagpasabut maylabut sa nahitabong insidente nga nagisi nga passport ni “Maeveline Ann Sulib”, hinungdan sa pagkabalda sa biyahe niini nga buot untang magselibrar sa iyang adlawng natawhan kauban iyang mga anak.
Matud pa sa Cathay Pacific, atul sa panghitabo gi-ingung na-ungot ang passport niini sa machine, hinungdan sa pagka-gisi niini.
Bisan paman sa panghitabo, wala pa gihapo’y gipagawas nga klarong pamahayag ang Cathay Pacific.
Sapikas bahin, mibutyag si Mactan Cebu International Airport General Manager Julius Neri Jr. nga nagpahigayun na sila og imbestigasyon maylabut sa insidente ug magpatuman og mga lakang aron malikayan ang susamang panghitabo. | Bombo Nathaniel Sandoval
