Mipahigayun og inspeksiyon sa Mactan-Cebu International Airport (MCIA) si Department of Transportation Sec. Vince Dizon, niadtong adlawng Martes, Mayo 6, 2025, kini human sa nahitabong grabeng aksidente nga nahitabo sa Ninoy Aquino International Airport (NAIA) nga nakakalas og kinabuhi sa usa-ka 5-anyos nga bata, 29-anyos nga lalaki ug laing 4-ka mga indibidwal ang naangol.
Atol sa iyang pagbisita, gi-inspeksiyon ni Sec. Dizon, ang nagkalain-laing parte sa naasoy nga airport sama sa entrance and exit points, immigration e-gates, security bollards ug traffic flow.
Prayoridad sa maong inspeksiyon mao ang pagsiguro nga misunod ang MCIA sa International Safety Standards hilabi na sa kondisyon ug gihimutangan sa mga security bollards.
Samtang sa pikas bahin, gisusi usab ni Dizon ang traffic management system sa MCIA ug nakadawat usab kini og pagdayeg niini sanglit ang terminal traffic flow layu usab sa mga katawhan, kumpara sa NAIA nga doul sa terminal.
Gibutyag usab niini nga bisan paman maayu ang condition sa pasilidad sa MCIA, gikinihanglan gihapon ang pag-improbar niini sanglit ang Sugbo ang maghost sa umaabut ASEAN 2026 summit, diin nga modawat sa mga langyaw nga dignitaryo ug mga pangulo sa estado. (report via Bombo Nathaniel Sandoval)
