Gipatawag sa Konseho sa Munisipyo sa Argao ang mga opisyal sa Department of Public Works and Highways (DPWH) 2nd Engineering District ug mga kontraktor sa upat ka nagpadayon nga mga flood control projects aron moatubang sa korte sa Nobyembre 25, 2025.
Gihimo ang maong lakang tungod sa kahadlok nga mobalik ang makamatay nga pagbaha sama sa nahitabo sa ubang bahin sa Sugbo niadtong pag-igo sa Bagyong Tino.
Giklaro usab ni Argao Vice Mayor Orvi Ortega nga ang aksyon kay nagtumong sa pagwala sa kabalaka bahin sa implementasyon, kalidad, ug gasto sa mga proyekto.
Hilabi na nga ang Argao ug Dalaguete nga susamang nahimutang sa habagatang-sidlakang bahin sa Cebu ug adunay halapad nga sistema sa suba nga nag-agos gikan sa Dalaguete, agi sa daghang mga barangay sa kabukiran paubos sa mga lugar sa baybayon sa Canbanua, Talaytay, ug Langtad.
Hinungdan nga mipahigayon og ocular inspection ang bise mayor kauban ang pipila ka mga miyembro sa konseho diin nakadiskobre sila og daghang isyu.
