Mihatag sa ilang opisyal nga pamahayag ang buhatan sa Department of Public Works and Highways – Central Visayas (DPWH-7) kabahin sa nabutyag nga usa ang lalawigan sa Sugbo sa hilabihang daghang mga flood control projects nga gipatuman sukad Hulyo 2022 hangtod Mayo 2025.
Sa eksklusibong pakighinabi sa Bombo Radyo Cebu Newsteam kang Danilo Villa, ang Regional Director sa DPWH-7 nga sa gisaysay niini nga ang mga proyektong gidumala sa ilang buhatan sulod sa maong katuigan kay nagtinguha sa pagsulbad sa problema sa baha sa pipila ka mga aspeto niini sama sa pakigtambayayong na sa sa mga local government units (LGUs).
Pipila sa ilang mga nasugatang problema sab kay ang mga basurang nabara sa mga drainage systems nga nakapadugay sa pagpahupa sa tubig baha.
Gani, sukad niadtong 2022 pa sila sab nagpatuman sa mga proyektong pang-imprastruktura sa mga kasapaan sa rehiyon ilabi na sa Sugbo nga hilabihang naguba niadtong paglabay ni Bagyong Odette niadtong Disyembre 2021.
Ingon man nga ang recovery efforts nila wala lamang nagtumong tungod ka dili lakip ang Sugbo sa mga most flood prone areas sa nasud apan sa uban pang aspeto sama sa shoreline protection para sa flood mitigation infrastructure.
Pasalig sa opisyal sa publiko nga sa tanang proyekto pang-imprastruktura lakip na ang mga gidumala sa ilang mga district ug regional offices nga ilang ginatutokan aron makumpleto kini sa tukmang panahon sa hingpit nga pagsulbad sa problema sa tubig baha sa Metropolitan Cebu ug tibuok rehiyon sa Sentrong Kabisay-an.
