Cebu City-Nanghinaot si Dr Calrita Carlos, usa ka political analyst ug UP Diliman Professor nga dunay makab-ot nga kasabutan tali sa giilugan nga teritoryo ug pagpalambo sa ekonomiya sa Pilipinas ang pagtambong ni Presidente Rodrigo Duterte sa 33rd ASEAN Summit sa Singapore.
Matud ni Doctor Carlos nga duha ka mga butang ang gikahinaman gayud niini nga masulbad; una mao ang giilugan nga teritoryo sa Pilipinas ug China sa West Philippine Sea uug ang spill over sa trade war sa China ug Estados Unidos.
Gibutyag niini nga sa higayon nga matangtang sa China ang ilang mga missile pad sa West Philippine Sea, nga mao usab ang panawagan sa US, dili mahitabo ang gikabalak-an sa tanan nga paggyera sa duha ka mga dagkong nasud, diin lakip ang Pilipinas sa maapektuhan niini.
Samtang sa higutanan usab sa trade war sa US ug China, gibutyag ni Carlos nga unta masabwag usab ang benepisyo niini sa Pilipinas ug dili lamamng kutub sa Thailand ug China.
Apan aron nga mag materlize kini gikinahanglan usab nga mulihok ang nasud hilabi na sa pagpalambo sa sistema ug pagwagtang sa mga red tape ug uban pang mga kahiwian sa panggobyerno sa nasud.
