CEBU CITY-Angayan nga muresign na matud pa si Solicitor General Jose Calida tungod sa pagkaburara sa nahitabo kalabot sa pag-angkon ni Presidente Rodrigo Duterte nga si Calida ang naa sa luyo sa pagbakwi niya sa amnesty kang Sen. Antonio Trillanes.
Kini ang nahimong pamahayag ni Dr. Clarita Carlos, usa ka political science professor sa University of the Philippines (UP).
Sa pakighinabi sa Bombo Radyo Cebu kang Carlos, giingon niini nga sakto ang depensa ni Trillanes sa iyang application kaniadto nga natagaan siya og amnesty.
Apan ang pagka-arogante lang matud pa ug ang modo sa delivery niini nga may pagkahambugero ang gikalagot sa kadaghanan apan angayang magpsulabi ang rule of law.
Matud pa sa professor nga angayang mu-resign na si Calida ug ang tanan nga naay kasaypanan dili lang si Calida tungod kay dako matud pa nga sayop ang nahitabo.
Dugang pa ni Carlos nga dako ang role sa Supreme Court niini ug kinahanglan nga musalig sanglit kung hasta ang SC dili toohan wala nay mahitabo pa sa nasud.
