-- ADVERTISEMENT --
CEBU – Gitudlo ni Cebu City Mayor Michael Rama si Dr. Mary Jean Loreche nga maoy mangulo sa Cebu City Medical Center (CCMC).
Si Loreche, mao ang kasamtangang chief pathologist sa Department of Health in Central Visayas (DOH-7) ug ang tigpamaba sa Visayas Vaccination Operation Center (VVOC).
Sa atong nahimong pakighinabi kang Loreche, mapasalamaton kini kang Mayor Mike sa maong pagkuha kaniya isip kabahin sa iyahang team.
Ingon man, mapasalamaton kini sa gihatag nga pagsalig sa mayor ngadto kaniya.
Hinuon, gibutyag sa doctor nga dili ra kini maglisud sa maong katungdanan gumikan trabaho na niya daan sa DOH ang consultancy.
-- ADVERTISEMENT --
