Drainage system angayan nga himuong prayoridad sa musunod nga mayor sa syudad sa Sugbo

CEBU – Atimanon ang drainage, mao’y angayan nga buhaton sa musunod nga mayor sa syudad sa Sugbo.

Gibutyag ni Felixberto Baylon, usa ka botante sa syudad, nga problema gayud ang grabi nga pagbaha panahon sa ting-uwan, hinungdan nga angayan lang kini nga hatagan ug pagtagad sa mapili unya nga mayor.

Gawas pa sa drainage, matud ni Baylon nga angayan usab hatagan ug pagtagad ang ‘peace and order’ arun nga dili na magkatap ang mga dautang elemento sa syudad.

Sugyot pa niini nga hatagan gayud ug trabaho ang katawhan ilabi na ang mga yano nga tawo arun nga dili na makabuhat ug dautan.

Gituohan ni Baylon nga tungod sa kalisod ug wala’y trabaho hinungdan nga makabuhat na lang ug dili maayo arun nga mabuhi.