Nabugtoan sa kinabuhi ang usa ka 28-anyos nga drayber sa motorsiklo nga giilang si Rolly Bayon, taga Tabuelan, human kini giingong naigo sa usa ka trailer truck samtang nag-overtake sa taytayan sa South Road Properties (SRP), adlawng Sabado, Pebrero 14, 2026.
Namatikdan na daan sa drayber sa truck nga si Reynaldo Broa, 52, nga taga-Mindanao, ang biktima nga matud pa kusog ang dagan ug nagpa-ekis-ekis sa dalan hangtod nga nakadungog na lang kini og kusog nga lagubo.
Nihunong si Broa human duna nay miungot sa iyang gimaneho ug didto na niya nakita pinaagi sa side mirror nga nalabay na sa pikas lane ang drayber sa motor.
Gidepensahan ni Broa ang iyang kaugalingon nga wala niya banggaa ang biktima, kundi naigo kini sa iyang atubangan tungod sa gikusgon sa dagan niini samtang nisuway og overtake.
Ingun man nga ligdong niyang gilimod nga wala gayud nasaghiran sa iyang trailer truck nga gi drive-ban ni Bayon, ug gituohan nga hubog kining nagpadagan sa iyang motor.
Sa pagkakaron, ang drayber sa truck anaa na sa kustodiya sa Traffic Enforcement Unit (TEU) ug gipaabot nga mag-atubang sa kasong Reckless Imprudence Resulting to Homicide.
