TALISAY CITY, CEBU-Naputlan ug wala nga tiil ang drayber sa six-wheeler truck human naaksidente sa stop light sa intersection sa Rabaya Street ug Cebu South Coastal Road sa Barangay Cansojong, dakbayan sa Talisay pasado alas 2 sa hapon sa Huwebes, Hulyo 6, 2023.
Ang biktima nga si Robertson Villaceran, 49, taga Barangay Lorega San Miguel, dakbayan sa Sugbo, naghatod og mga scrap materials gikan sa Toledo City, sa usa ka junk shop sa dakbayan sa Mandaue niadtong higayona.
Nakalingkawas sa samad sa pagkabangga ang iyang truckboy nga si Ronnie Geonson, 34, nga taga Barangay Lorega San Miguel.
Matod ni Geonson, napakyas ang preno sa ilang sakyanan hinungdan nga nabanggaan kini sa trak nga nag-una kanila ug naigo sa laing duha ka sakyanan.
Ang lawas ni Villaceran nabulit sa tunga-tunga sa atubangan sa trak sa kilid sa drayber nga hingpit nga naguba sa kakusog sa pagkabangga.
