Drayber sa wingvan nga nakabangga og 10 ka mga sakyanan sa Dakbayan sa Mandaue, gi release na

MANDAUE CITY-Gi-release na sa Mandaue City Police Office Traffic Enforcement Unit ang drayber sa wingvan nga nakabangga og moabot sa 10 ka mga sakyanan sa dalan MC Briones, Brgy Maguikay Dakbayan sa Mandaue.

Ang drayber giila nga si Eduardo Tajanlangit 32-anyos nga lumolopyo sa lungsod sa Lilo-an.

Matod sa imbistigador sa kapulisan sa MCPO-TEU nga nagkasettle na si Tajanlangit ug ang mga drayber sa mga sakyanang iyang gibanggaan.

Dugang pa, nga walay nagrabehan sa mga drayber sa mga sakyanan nga gibanggaan ni Tajanlangit gawas sa drayber sa motorsiklo nga nailhang si Florante Hinatuan nga nalamba atol sa impact hinungdan nga kini nagpa CT Scan.

Nasuta nga posibleng mechanical error ang hinungdan sa disgrasya.