CEBU CITY – Luwas nga nakalayat ang usa ka driver og motorsiklo dihang natumba ang usa ka poste sa may Simbahan sa Archdiocesan Shrine of Our Lady of Guadalupe kagahapon Pebrero 14, 2022, Lunes.
Giila ang driver nga si Glenn Gabisay kinsa nagdeliver unta og buwak para Valentine’s Day.
Nasayran nga nasangit sa garbage truck sa sa DPS nga gidrayban ni Roldan Sorela ang mga nagyatyat nga mga wire sa telco companies human sa bagyong Odette hinungdan nga nadala kini og natumba ang poste.
Matod pa ni Konsehal Gerry Guardo, nga wala makabantay ang driver sa maong truck hinungdan nga nabinat ang poste.
Tino pa ni Guardo nga mao kini ang hinungdanog nganong dalion paghipos ang mga spaghetti wires gumikan makabalda kini sa kadalanan og makamugna pa og disgrasya.
Human sa maong panghitabo dali usab gitawagan sa konsehal ang telco company nga nanag-iya sa maong poste.
Nanawagan nalang kini sa mga telco companies sa pagclear sa ilahang area ilabi na sa mga naguba o aduna nay damage nga poste, spaghetti wires gumikan parte usab kini sa ilahang trabaho.
