CEBU CITY — Misuway paglikay apan wala na gyud madala pa sa usa ka sakyanan ang driver sa motor nga naslide human nga mi-overtake ug nabalhin sa pikas lane — napasok ug naguyod pa sa sakyanan sa may trancentral highway sa Brgy. Cansamuroy, Balamban.
Ang biktima nga driver sa naasoy nga motor mao si Susimo Bacalso, 39 anyos, residente sa Brgy. Calabera dakbayan sa Toledo.
Samtang ang driver sa maong sakyanan mao si Theo Genesis Tagaytay, 33 anyos taga Cabilao Bldg. Br. Rodriguez Street.
Basi sa imbestigasyon ni Police Chief Master Sergeant Benedicto Bopeles sa Balamban PS nga ang biktima ang nagbiyahe gikan sa Balamban padung sa Gaas ug sa pag-abot sa likoon nga bahin, mi-overtake kini sa usa ka motor.
Apan tungod kay dangog ang dalan subay sa uwan-uwan, naslide ang motor ug naadto kini sa pikas lane.
Atol sa maong panghitabo,padulong usab sa opposite direction ang sakyanan nga gidrivan ni Genesis ug tungod kay dulhogon imbis naglisod kini paglikar hinungdan nga naligsan niini ang biktima.
Duna usab nagsunod pa nga laing motor sa sakyanan nga nadisgrasya usab apan nakaangkon lamang og minor injury.
Samtang gidala usab sa tambalanan ang biktima apan gideklarar kining dead on arrival.
Nakadetain na usab karon sa bilanggoan ang dirver sa sakyanna ug gipaabot kung mupasaka ba og kaso ang habig sa namatay.
