Drivers license ni Justin Timberlake, gisuspenso sa korte

Gisuspenso sa korte sa estado sa New York ang drivers license sa singer nga si Justin Timberlake.

Kini human siya nipasaka og guilty plea tungod sa pagdrayb samtang hubog.

Kahinumduman nga ang pop star gidakop niadtong Hunyo 18 tungod sa pagbaliwala sa traffic lights ug dili maayo nga pagmaneho.

Ang 43-anyos nga mitambong sa pagdungog pinaagi sa virtual tungod anaa kini sa Europe alang sa iyang concert tour.

Kini pormal nga gisang-at sa Sag Harbor, New York.

Dinhi gibasa ni Sag Harbor Village Justice Justice Carl Irace ang pagsuspenso sa drivers license sa singer nga wala’y gihatag nga petsa hangtod kanus-a kini mahuman.

Matod niya ang pagsuspenso sa driver’s license ug standard procedure sa mga dinakpan nga nagmaneho samtang hubog.