Nadiskobrehan sa mga awtoridad sa Leipzig/Halle Airport sa Germany ang usa ka Ukrainian cargo aircraft nga gituohang target sa usa ka military-grade explosive device.
Sumala sa confidential police report, gikumpirma sa mga forensic experts nga military-grade ang eksplosibo, apan wala kini mobuto tungod sa usa ka teknikal nga depekto.
Tungod niini, gipakusgan ang imbestigasyon sa posible nga terorismo sa airport, nga usa sa major nga cargo hub ug NATO military logistics center sa Germany.
Matud ni German Interior Minister Alexander Dobrindt, posible kining usa ka hybrid attack nga nagpakita sa nagkadakong hulga sa seguridad sa nasud.
Samtang, usa ka cargo aircraft ang napugos sa pagpatuman og go-around maneuver tungod sa pagsira sa usa ka runway, apan luwas kining nakatugpa sa Hanover.
Temporaryong nahunong ang operasyon sa Leipzig/Halle Airport ug nausab ang ruta sa daghang mga flight, lakip ang sa DHL, apan mibalik na usab kini sa normal.
Padayon pa ang imbestigasyon, ug hangtod karon, wala pa mailhi ang suspek.
