Nipahigayon og meeting ug awarding ang City Office for Substance Abuse Prevention (COSAP), uban sa koordinasyon sa PNP, DILG, PDEA, alang sa mga drug-cleared barangay sa dakbayan sa Sugbo, gahapong adlawa, Hunyo 23, 2025.
Giila sa maong kalihukan ang mga barangay nga malampusong nakab-ot ang mga sumbanan sa pagka-drug-free.
Diin naglakip sa pagpirma sa pasalig sa suporta ngadto sa drug-free subay sa Regional Oversight Committee on Barangay Drug Clearing (ROCBDC) sa dakbayan sa Sugbo.
Gihatagan og gibug-aton sa mga opisyal ang kamahinungdanon sa padayon nga kooperasyon sa komunidad ug pagtinabangay sa inter-agency sa pakigbatok sa ilegal nga droga.
Gawas sa mga certificates, nakadawat sad ang matag usa sa nahisgotang lima ka mga barangay og P100,000 nga cash prize gikan sa Kagamhanan sa Dakbayan sa Sugbo pinaagi sa COSAP. | Bombo Irene Ardiente
