CEBU CITY — Mukabat sa P8.1 million ang kantidad sa shabu nga nasakmit sa Drug Enforcement Group (DEG) ug Philippine Drug Enforcement Agency (PDEA)-7 atol sa gipahigayon nga buybust operation sa may Unit II Opra Brgy. Kalunasan, sa dakbayan sa Sugbo.
Sikop ang subject nga giilang si Raffy Abaya, 23 anyos ug taga-Sitio Laguna Brgy. Lorega sa susamang dakbayan.
Matud ni Police Lt. Col. Glenn Mayam, ang hepe sa DEG, nga duha ka buwan nila nga gisurveillance ang maong subject diin nasuta nga usa kini ka miyembro sa drug group dinhi sa Cebu.
Nasakmit gikan sa dinakpan ang 1.2 kilos nga shabu ug matud usab ni Mayam nga gikan sa Cebu City Jail ang tinubdan sa maong mga shabu.
Samtang gihimaka usab sa subject nga si Abaya nga miyembro siya sa usa ka drug group dinhi sa Sugbo.
Matud niini nga ikaduha pa matud pa kahigayon nga nalamigit siya sa iligal nga transaction.
Duna lang matud pay mukuha sa naasoy nga shabu sa iyang pinuy-anan ug tagaan lang siya og P2,000.
Dason pa usab niini nga maong misulod siya sa iligal nga binuhatan tungod kay wala siyay laing makita nga trabaho sanglit wala matud pa siya kahuman og skwela. (with reports by Bombo Lahvi Quiñones/GN)
