CENTRAL VISAYAS-Nangandam na karon ang Department of Social Welfare and Development sa Central Visayas (DSWD-7) alang sa pag-apod-apod sa hinabang pinansyal ngadto sa mga rice retailers sa rehiyon.
Kini ang gikompirmar ni Kerwin Macopia, information officer sa DSWD-7.
Dugang pa, nga ang Sustainable Livelihood Program (SLP) maoy gitahasan sa ahensya sa pagpahigayon sa payout, diin ang matag rice retailer makadawat og P15,000.
Ang Department of Social Welfare and Development sa sayo pa niingon nga ang mga gagmay nga retailers makadawat og maximum subsidy nga P15,000 aron matabonan ang mga kapildihan nga ilang maangkon sa pagpahamtang sa price ceiling sa Filipino staple food.
Kini human si Presidente Ferdinand Marcos Jr. niluwat og Executive Order No. 39 niadtong Agosto 31, nga nagmando sa P41 ngadto sa P45 matag kilo sa presyo sa bugas.
