CENTRAL VISAYAS- Gipakusgan pa sa Department of Social Welfare and Development Field Office 7 – Central Visayas ang ilang pakigbatok sa human trafficking diin nakahimo na og 20 ka rescue operations pinaagi usab sa pakig-alayon sa mga nagkalain-laing ahensya sa law enforcement agencies.
Diin ang mga victims-survivors kay mga biktima sa commercial sexual exploitation of Children or prostitution, online sexual abuse or exploitation of Children, anti-child sexual abuse or exploitation materials, human trafficking in Philippine Offshore Gaming Operations o kon POGO, ug sekswal nga pag-abuso sa mga bata.
Gilangkuban sa rescue team sa DSWD 7, sa mga lisensyado nga social worker, diin nakigtambayayong sa mga ahensya sa pagpatuman sa balaod aron ipasiugda ang labing maayo nga interes ug kaluwasan sa mga victim-survivors samtang nagpahigayon og rescue operation.
Ingon man nga pinaagi sa recovery and reintegration Program for Trafficked Person, usa ka komprehensibong programa alang sa mga trafficked individuals, nga anaa sa mga 215 ka mga indibidwal ang nakadawat og nagkalain-laing tabang sama sa psychosocial counseling, educational, livelihood, ug uban pang kinahanglang interventions.
Gihatagan usab niini og gihimug-aton ang pagpasiugda sa kamahinugdanon sa kolaborasyon sa pagsulbad sa human trafficking ug exploitation nga may kalambigitan sa illegal nga operasyon sa POGO.
