Gipangulohan ni Department of Social Welfare and Development 7 Regional Director Shalaine Marie S. Lucero ang pagpang-apod-apod sa mga food ug non-food items sa duha ka open evacuation centers sa Canlaon City niadtong Hunyo 5, 2024.
Diin ang matag pamilya nakadawat og family food pack, hygiene kit, kitchen kit, ug sleeping kit.
Human sa distribution, ang DSWD 7 team nibisita sa Barangay Masulog, usa sa mga apektadong lugar, aron tukion ang mga plano uban sa mga opisyal sa barangay sa pagtubag sa departamento uban sa koordinasyon sa City Government sa Canlaon.
Ang mga kawani sa DSWD 7 anaa pa sa siyudad aron maghatag ug teknikal nga tabang sa koordinasyon ug pagdumala sa kampo, ug pagpanalipod sa mga internally displaced persons.
Sa pikas bahin, nakahinabi sa Bombo Radyo Cebu Newsteam si Marl Elton Villarmente, usa sa mga residente sa Canlaon City diin gipaambit niini nga padayon ang ilang gihimo nga precautionary measures ilabi na nga wala’y kasiguraduhan ang mga mahitabo sa sunod adlaw.
Gidugang usab niini nga walay hunong ang pahimangno sa ilang LGU ngadto sa mga residente nga magmatngon ug kanunay nga alerto.
