DSWD 7, usa sa mga nakadawat og 5-star rating atol sa Spot-Check Mandatory Implementation sa Government Energy Management Program ubos sa Department of Energy

CENTRAL VISAYAS-Nakakuha ang Department of Social Welfare and Development Field Office 7-Central Visayas og 5-star compliance rating atol sa pagpahigayon sa Spot Check Mandatory Implementation sa Government Energy Management Program o kon GEMP niadtong Mayo 31, 2022, nga gipasiugda sa Department of Energy personnel gikan sa DOE-Visayas Field Office.

Diin ang buhatan sa DOE mihatag og 12 ka mga LED lamps sa matag national government agencies nga nakakuha og 5-star rating atol sa General Assembly of Government Information Officers.

Nasayran nga ang tumong sa spot-check activity ubos sa GEMP sa DOE arun makunhuran ang paggamit og energy sa mga ahensya sa gobyerno pinaagi sa pag-uswag sa mga teknolohiya sa kahusayan sa enerhiya.

Gani, mipadayag og pasalamat ang Regional Director sa DSWD FO 7, Shalaine Marie Lucero sa DOE sa pag-ila sa paningkamot sa buhatan nga adunay kalambigitan sa cst-saving measures alang sa epektibo ug efficient energy consumption.