Palig-onon pa sa Department of Social Welfare and Development (DSWD) ang nagkalain-laing programa ug serbisyo niini arun makatabang sa mga kuwalipikadong Pilipino nga nanginahanglan og tabang, lakip na ang anaa sa krisis tungod nawad-an og tranaho.
Kini human ang Philippine Statistics Authority (PSA) mitaho sa pagsaka sa unemployment rate gikan sa 3.5 porsiyento niadtong Pebrero ngadto sa 3.9 porsiyento niadtong Marso, partikular na sa agrikultura tungod sa El Niño phenomenon.
Matud pa ni DSWD spokesperson ug Assistant Secretary for Disaster Response Management Group Irene Dumlao nga ang walay trabaho nga mga Filipino mamahimong maka-avail sa mga programa ug serbisyo sa DSWD, ubos sa assessment sa mga social worker ug siguraduhon nga makaabot sila sa eligibility requirements.
Dugang pa niini nga pinaagi sa nagkalain-laing mga programa sa DSWD, tumong niini nga matabangan ang mga Filipino nga walay trabaho ug sa pagpalig-on sa ilang mga kahanas, katakos, ug kahinguhaan sa pag-access sa mga oportunidad nga makamugna og kita aron makatabang sa pagpalambo sa ilang socio-economic well being.
