METRO MANILA-Gipaneguro sa Department of Social Welfare and Development (DSWD) nga adunay igong suplay sa family food packs ug uban pang mga hinabang alang sa mga lokal nga kagamhanan nga naapektuhan sa Bagyong Enteng.
Matud pa ni DSWD Assistant Secretary and Spokesperson Irene Dumlao, igo na ang resources sa DSWD ug kapin sa 1.7 milyones ang national stockpile sa ahensya.
Kasamtangang nagpadayon ang DSWD sa pag-repack sa mga food packs sa pamilya sa mga nag-unang hubs sa ahensya aron masiguro ang igong suplay sa pagpangandam sa umaabot nga mga katalagman.
Dugang pa, nga ang DSWD hugot nga nakig-alayon sa ubang ahensya sa gobyerno isip kabahin sa pagpangandam sa posibleng epekto sa umaabot nga mga bagyo.
Samtang, base sa pinakaulahing imbentaryo, ang DSWD adunay kapin sa P134 milyones nga available nga standby funds.
