Gipasiugda sa Department of Social Welfare and Development ang panginahanglan sa paghatag og hinanaling tabang sa mga residente nga naapektuhan sa nagpadayon nga pagbuto sa Kanlaon Volcano.
Matod ni DSWD Secretary Rex Gatchalian, padayon ang ilang pag-apod-apod og cash aid sa Kanlaon Evacuees, kinsa nakadawat og P5,000 matag usa.
Kini ang gihimo sa kalihim nunot sa iyang pagbisita sa mga residente nga nagpabilin sa mga evacuation center nga gipahimutang sa probinsya sa Negros Occidental.
Diin kauban pa niini sa iyang pagbisita si Presidente Ferdinand Marcos Jr.
Matod sa kalihim, gawas sa cash aid, nanghatag usab sila og mga pagkaon ug non-food items.
Sa datus sa ahensya, adunay kinatibuk-ang 2.4 milyones ka kahon sa family food packs ug P46.6 milyones nga standby funds ang nagpabiling magamit alang sa gikinahanglang tabang sa mga lokal nga kagamhanan.
